BE 39 Beha Ma Panjalongku

Syalom, Tuhan Yesus berkati. Selamat membaca lirik lagu Buku Ende No. 39 dengan judul Beha Ma Panjalongku pada blog syair-laguku.blogspot.com. Damai dan berkat Tuhan Yesus selalu menyertai kita sekalian.

Keterangan:
Judul lagu: Beha Ma Panjalongku
Kategori lagu: Lagu Buku Ende
Bahasa lirik lagu: Bahasa Batak

1.	Beha ma panjalongku di Ho o Tuhanki?
	Beha ma panomungku di Ho o Rajangki?
	Sondangi ma rohangku na holom na bodo
	Ai naeng patupaonku las ni rohaM di Ho

2.	Pangisi ni SionMu do mangolophon Ho
	Laos songon i rohangku lao mandapothon Ho
	Na ringgas do rohangku mamuji goarMi
	Na daulat do sangkaphu patulus rohaMi

3.	Ai ndang adong na hurang na pinatupaMon
	Mambaen tu au sumuang dame ni rohangkon
	Ai di na marsak ahu binaen ni dosa i
	Ro Ho ale Pangolu mandaoni sahithi

4.	Tung aha ma alana umbaen ringkot roham
	Tumopot manisia nda holong ni rohaM?
	Nda asi ni rohaMu di na tarsosak i?
	Ai naeng pangoluonMu sude naung mago i

5.	Di na tarihot ahu ro Ho mananggal au
	Di na tarhurung ahu Ho paluahon au
	Ho do na pasangaphon na lea on hian
	Ho do na pamorahon na pogos on hian

6.	Hamu na holso roha binaen ni dosa i
	Tangihon boaboa na sian surgo i
	Naung ro do Sipalua disuru Ama i
	Pasonang rohamuna mamboan dame i

7.	Ndang be habiaranmu sude pangago i
	Ai nunga ro Rajamu mangalo sasude
	Maporus do luhutna dibaen Rajanta i
	Rendep do sasudena di adopanNa i

8.	Ro do Ibana sogot di ari uhum i
	Ingkon disi tarsonggot pardosa na tois i
	Alai na holong roha marlas ni roha do
	Disi ma dohononna Pinuji Ho na ro!

Disclaimer:
Kami tidak menyediakan link atau cara untuk mendapatkan lagu ini secara ilegal. Kami mendukung sepenuhnya para musisi, seniman serta hamba-hamba Tuhan yang telah bekerja keras untuk menulis lagu ini. Bagi kamu yang ingin mendengarkan lagu ini, silahkan beli kaset, DVD, atau silahkan kunjungi Channel YouTube Official yang mereka miliki. Terima kasih.